“Cytaidi latviskais” gostūs pi Aivara Ušpeļa saimis

LaKuGa 9. Juļs, 2017. gods Comments Off on “Cytaidi latviskais” gostūs pi Aivara Ušpeļa saimis

Itūreiz raidejuma “Cytaidi latviskais” golvonī varūni ir Aivars Ušpelis i juo saime. Ar pūdnīceibu Ušpeļu dzymta nūsadorboj jau paaudžu paaudzem.

Pūdnīka Ušpeļa saimē i dorbā, i kasdīnā malnajai kruosai ir eipaša nūzeime – malnuo kruosa dominej drēbēs; Ušpeli sevi sauc par “malnajim wylkim”, taišni partū malnuos keramikys pūdūs, skryuzēs, bļūduos paroksta vītā ir vylka lāpys nūspīdums.

Kai pretstats malnajai keramikai ir kruosu prīca Vēsmys Ušpelis gleznuos. I gleznīceibā, i pūdnīceibā saime dorbojās kūpā. Aivars, Vēsma i jūs dāls Jumis saimnīkoj mežu īskautā lauku sātā – apmāram 5 kilometru attuolumā nu Maltys. Jūs pasauļa redzīņs, muokslinīciskuo darbeiba i dzeivisstils ir sovpateigs – jī ir drūsmeigi sova ceļa guojieji, kurī ar prīcu uzjam ari gostus – klašu ekskursejis i saimis, kuruos apceļoj Latveju i ari īmieginoj prasmis pūdnīka dorbā Ušpeļu saimisteibā.

Komentari slāgti.