“Pi myusim Latgolā” viestej par Latgolys vargaņu dīnom

LaKuGa 13. Juļs, 2017. gods Comments Off on “Pi myusim Latgolā” viestej par Latgolys vargaņu dīnom
“Pi myusim Latgolā” viestej par Latgolys vargaņu dīnom

Nu 14. da 30. juļa Latgolys bazneicuos nūtiks tradicionaluos Latgolys vargaņu dīnys. Raidejumā “Pi myusim Latgolā” gastej vīna nu ituo pasuokuma organizatorem Guna Kise, kura atkluoj, ar kū itys pasuokums puorsteigs itūgod.

Guna Kise ir jauna i cīši talanteiga varganiste, kas ari poša vuica bārnus spielēt varganis Kuorsovā i Rēzeknē. Kai nūruoda varganiste, treis nedeļu garumā Latgolys vargaņu dīnu laikā nūtiks na viņ varganistu koncerti bazneicuos, nu ari tiks vuokti zīduojumi Kuorsovys Rūmys katuoļu bazneicys varganem.

Latgolys vargaņu dīnu mierkis ir na viņ popularizēt vargaņu muzyku, izgleituot klauseituojus, dagrīzt viereibu Latgolys dīvnomim, nu ari aicynuot nūviertēt i saglobuot myusu kulurviesturiskū montuojumu, bez kuruo bazneica nav īdūmuojama.

Kai jau cytus godus, ari itūgod Latgolys vargaņu dīnys tiks īskandynuotys ar koncertu Aglyunā, nu izskanēs Rēzeknē.

Komentari slāgti.