“Kolnasāta”: pošvaļdeibu īstuodis nadreikst lītuot t.s. “Latgolys karūgu”

“Kolnasāta”: pošvaļdeibu īstuodis nadreikst lītuot t.s. “Latgolys karūgu”

“Kolnasātā” diskuseja par Latgolys karūgu – voi Latgolai i latgalīšim ir vajadzeigs sovs karūgs, kū dareit ar asūšuo karūga lītuojumu.

Itūšaļt latgalīšu vydā lelu popularitati īmontuojs t.s. “Latgolys karūgs” tymsi zyli-bolti-tymsi zyls ar gierbūni viersā. Itū naoficialū simbolu lītoj privatpersonys, vairuokys bīdreibys, Latgolys parteja. Karūgu izmontoj ari pošvaļdeibu īstuodis, par pīmāru, školys. Tīsa, lykums līdz vaļsts i pošvaļdeibu īstuodem lītuot mynātū karūga variantu, par ituo simbola lītuošonu var ari struopēt.

Vaicuojumu par karūgu skateja majā nūtykušajā 4. pasauļa latgalīšu saītā. Pījimtajā rezolucejā Latgolys planavuošonys regiona padūmei izsaceits aicynuojums oficiali apstyprynuot latgalīšu (Latgolys) karūgu bez gierbūņa i nūsaceit tuo lītuojuma kuorteibu. Vidis aizsardzeibys i regionaluos atteisteibys ministreja nūruoda, ka Latgolys planavuošonys regiona padūmei nav tīseibu oficiali nūsaceit Latgolys karūga statusu. Regiona simboliku itūšaļt var apstyprynuot ar uoreju normativū aktu Saeima ci Ministru kabinets.

Diskusejā pīsadola: Aigars Zīmeļs, tierdznīceibys centra “Ūga” saiminīks, ari Preiļu nūvoda dūmis deputats, Māris Rumaks t.s. “Latgolys karūga” autors, “Baltic flags” menedžers, dūmneicys “Creative Museum” vadeituoja Ineta Zelča-Sīmansone, Latgolys partejis leidzprīšksādātuojs i 12. Saeimys deputats Aldis Adamovičs i Latgolys planavuošonys regiona padūmis prīšksādātuoja i Ludzys nūvoda dūmis deputate Alīna Gendele.

Print Friendly, PDF & Email

Komentari

  1. Armands Kociņš Kūceņš

    Zylais-boltais-zylais ar sorkonū gerbu izdzeivuos, a īsacejums lītuot bez gerba – naizdzeivuos, partū ka sorkonais gerbs (t i., Latgolys viesturiskais gerbs) dadūd karūgam skaistumu i energeju.

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]