“Pi myusim Latgolā” viestej par Annys dīnys svieteišonu Dagdā

Portals lakuga.lv 27. Juļs, 2017. gods Comments Off on “Pi myusim Latgolā” viestej par Annys dīnys svieteišonu Dagdā
“Pi myusim Latgolā” viestej par Annys dīnys svieteišonu Dagdā

Ari ituos nedelis nūslāgumam tyvojūtīs, raidejuma “Pi myusim Latgolā” veiduotuoji suoc kustynuot Latgolys kulturys skreini. Itūreiz teik aktualizāta Annys dīna, kurū eipaši svietej Dagdā.

“Itei tradiceja aizasuoce jau cīši, cīši seņ, gondeiž pyrma 20 godu, kod tika īdybynuota saimineicu dīna. Mums Annu beja gona, lai mes juos varātu sumynuot. Jau tūreiz cylovam tūs sarokstus i šķirovam, cik tūs Annu mums daudz i voi mums ir tys pamats,” stuosta Dagdys nūvoda kulturys dorba organizatore Solvita Plivča. Taipoš Solvita Plivča atkluoj, ka sumynojūt Annys, Dagdā kotru godu pat nedelis garumā gūdā teik calts saimineicu dorba tykums.

Juodasoka, ka Annys dīna piec senejūs tradiceju ir tei dīna, kod saimineicys gatavej iedīņus nu vosorys pyrmuos ražys. Goldā teik calti jaunuos buļbys i burkuoni, kai ari cyti duorza lobumi.

29. julī Dagdā saimineicu dīna aizasuoks jau nu poša reita. Apmaklātuojim byus vareiba īpazeit Dagdys Annys, izadzīduot i izadoncuot ar Latgolā zynomim muzykantim, raudzeit gordus iedīnus i kuorteigi izaļustēt. Pasuokuma programa turpynuosīs ari 30. julī.

Komentari slāgti.