Kū var skaiteit jaunuokajā “A12” numerī

LaKuGa 3. Augusts, 2017. gods Comments Off on Kū var skaiteit jaunuokajā “A12” numerī

Žurnala “A12” jaunajā numerī:

Latgalīšu Ausmenis Reigā saiminīks Valters Murāns.

Dzeivis atziņuos i dorba filozofejā doluos vīns nu nadaudzajim kaļvim Arvīds Mežinskis i vīneigais Latgolys bondars Jurs Kivlenieks.

Parkū klezmeru muzyka palīk populara i viesturiskī ryucieji Pītera ryucīnī.

Sasatikšona ar Mančestrā dzeivojūšajim latgalīšim, kurī izveiduoja sovu biznesu.

Nu viesturiskūs personeibu itūreiz par dzīduotuoju Helenu Kozlovsku-Ersu, sauktu par Latgolys laksteigolu voi kolibri, kurai, nasaverūt iz spūdrū solistis karjeru, uorzemu voi vītejūs koncertu repertuarā golvonuo vysod bejuse latgalīšu tautysdzīsme.

Kai Latgolā gatavejās Dzīšmu svātkim – par dzīduošonys prīcu Juoņs Mežinskis, Maruta Veličko i Edgars Znutiņš.

Latviskuokais i dzīdūšuokais pogosts austrumu pīrūbežā ir Medņova. Par tū ir puorlīcynuots žurnals “A12”. Pogostā ir slovonais Loduma krysts, Medņovai ir sovs zalta fonds.

Komentari slāgti.