“Cytaidi latviskais” gostūs pi Slišānu saimis

LaKuGa 7. Augusts, 2017. gods 0

Raidejuma “Cytaidi latviskais” veiduotuoji gastej Upeitē, kab izzynuotu, kū dora Ontona Slišāna dāls i treis meitys. Andris turpynoj tāva suoktū dorbu – struodoj par bibliotekaru, voda muokslys kolektivus, ir namaterialuos kulturys centra “Upīte” direktors. Audzynoj pīcus bārnus i ir zemnīku saimisteibys saiminīks. Paleigs itymūs dorbūs ir sīva Ligita, kura ir školuotuoja Upeitis pamatškolā.

Ontona Slišāna meita Annele atjaunoj dzeda sātu pošā Latvejis pīrūbežā i auž dečus, tūs pavysam byus 100, tī tūp kai duovona Latvejai vaļsts symtgadē. Sovukuort meita Māreite tāva aizsuoktū turpynoj, rokstūt i publicejūt dzeju, Māreitis simboli i poetiskī pajiemīni nareši ir radnīceigi tim, kurūs sovā daiļradē izmontuojs tāvs. Meita Lienīte struodoj par gaismu muokslineicu Latvejis Nacionalajā teatrī, latgaliskū goru i kulturu jei napagaisynoj ari Reigā, kur dzeivoj jau daudzus godus.

Vysim Ontona Slišāna bārnim ir lelys saimis. Vysi ir darbeigi, radūši, dzeivisprīceigi, latgaliskais ir organiska, naatjemama jūs pateibys sastuovdaļa.