“Latgalīšu repam” jauna dzīsme “Es tycu” i video

Portals lakuga.lv 7. Augusts, 2017. gods Comments Off on “Latgalīšu repam” jauna dzīsme “Es tycu” i video

Pyrms kaidys šaļts par škārsteikla sensaceju palyka apvīneibys “Latgalīšu reps” kompozicejis “Skots pa lūgu” videoklips. Tuos autori Ivo Grigalis i Didzis Kozlovs nupat pabeigušs dorbu pi jaunuokuos dzīsmis “Es tycu”, pīduovojūt tai ari video klipu. Dzīsme topuse sadarbeibā ar Ludzys  BJC popgrupu “Spices”.

Apvīneibys dalinīks Ivo par jaunū dzīsmi soka: “Nikas nav stypruoks par ticeibu. Ticeiba ir ticeiba sev, sovim spākim, cylvākam i nuokūtnei.”

Pyrms kaida laika Ivo i Didzis gasteja raidejumā “Kolnasāta”, tymā puiši stuosteja par sovu pīredzi hip hopā i jaunuo albuma tapšonu, kurā vysys dzīsmis planavuotys latgaliski. Sarunu var nūsaklauseit ite.

Tyvuokajā laikā hip hopa apvīneiba uzastuos Ludzys piļsātys svātkūs 11. augustā. “Latgalīšu reps” atrūnams ari  muzykys straumiešonys vītnē Spotify.

Autori: Didzss i Ivo “Ultimāts”
Video: Juoņs Jēkabsons, Raivis Isakovičs


 

 

Komentari slāgti.