“Pi myusim Latgolā” gostūs pi Juoņa Kuzminska

LaKuGa 23. Augusts, 2017. gods Comments Off on “Pi myusim Latgolā” gostūs pi Juoņa Kuzminska

Itūreiz raidejuma “Pi myusim Latgolā” veiduotuoji gastej Rēzeknis nūvoda Kaunatys pusē, kur dzeivoj gitaru meistars ar zalta rūkom i talanteigs muzykants Juoņs Kuzminskis, kurīs atkluoja, kai tod eistyn Latgolā tūp gitarys.

Dzeivis leiklūči Juoni paspiejuši aizvest i iz Reigu, i Moskovu, nu jis sevi sauc par eistynu latgalīti i soka, ka vyslobuok jiutās tepat Rāznys nacionaluo dobys parka teritorejā.

Juoņs Kuzminskis jau vairuokus godus izgatavej elektriskuos gitarys. Izaruod, ka tys ir gona laikītiļpeigs dorbs, partū ka viereiba juodagrīž kotrai detaļai i seikumam, suocūt ar kūksnis kaļteišonu, beidzūt ar mozūs detaļu pīsleipiešonu. Niu Juoņa Kuzminska gitarys skaņ na viņ Latgolā i Latvejā zynomu muokslinīku rūkuos, nu ari aiz Latvejis rūbežu.

Juoņs Kuzminskis dybynuojs ari rokgrupu “Gandreiž 10nīkā”, ar kurū pavysam naseņ īraksteits pyrmais muzykys albums.

Komentari slāgti.