Bauskys nūvodā nūtiks latgalīšu piecpušdīne

LaKuGa 19. Septembris, 2017. gods Comments Off on Bauskys nūvodā nūtiks latgalīšu piecpušdīne

Bauskys nūvoda Brunavys pogosta Grenctālis kulturys nomā 7. oktobrī nūtiks Latgalīšu piecpušdīne.

No 14 stuņdem sevkurs bez moksys varēs īpazeit Aglyunys Maizis muzeja saimineicys Vijis Kudiņys globuotū montuojumu, Jākubpiļs amatnīka Gundara Velvika klugu pynumu meistardorbus, keramika prasmi, muzicēt i īt rūtaļuos kūpā ar folklorys kūpu “Upīte”. Dorbuosīs Latgolys Studentu centra gruomotu golds.

17.00 suoksīs koncerts, kurā uzastuos grupa “Starpbrīdis”, “Sastdīnes muzykants”, “Dvinskas muzikanti”, Andris Baltacis i Ēriks Gruzniņš. Beleti nūpierkami “Biļešu servisa” kasēs i škārsteiklā.

Iz prīšku Grenctālis kulturys nomā paradzātys ari puorejim Latvejis etnografiskajim nūvodim veļteitys dīnys.

Komentari slāgti.