Leņdžu pogostā nūtiks Stanislavam Kambalam veļteita konfereņce

Portals lakuga.lv 20. Oktobris, 2017. gods Comments Off on Leņdžu pogostā nūtiks Stanislavam Kambalam veļteita konfereņce

Rēzeknis nūvoda Leņdžu kulturys nomā 11. novembrī nūtiks konfereņce “Staņislava Kambalas ieguldījums Latgales vēsturiskajos procesos”, kas veļteita sabīdryskajam darbinīkam Stanislavam Kambalam (1893-1941), viestej informaceja Rēzeknis nūvoda sātyslopā.

Konfereņcē ar referatim pīsadaleis zynomi viesturnīki: Dr. hist. Valters Ščerbinskis (Latgolys i starpkaru perioda Latvejis politika), Dr. hist. Vladislavs Malahovskis (Zemis vaicuojums Latgolā), Dr. hist. Inese Runce (Latgolys vaicuojums politiskajuos diskusejuos 20.gs. suokumā), kartografe Andra Zubko-Melne (Vītvuordi administrativi teritorialūs reformu kontekstā), literati: Dr. philol. Valentins Lukaševičs (Marginalejis stuostam par Stanislavu Kambalu), rakstneica Inga Ābele (Volūdys lūma kulturā), rakstneica Sandra Ūdre i rakstnīks, tulkuotuojs Juoņs Ryučāns (Kūpeigais i atškireigais laikabīdru S. Kambalys i F. Kempa biografejuos).

Konfereņcis mierkis ir veicynuot izpratni par Latgolys viesturi i tuos personeibom, kulturu i saimnīciskū darbeibu Latgolā XX godu symta suokuma viesturis kontekstā, kai ari rast īskotu Latvejis valstiskuos veidošonuos procesā i tuo atspīgeļuojumā myusu dīnuos.

Skaiteit vaira par Stanislavu Kambalu

Komentari slāgti.