LgSC Jelgovys birojs aicynoj iz kinu vokoru

LaKuGa 20. Oktobris, 2017. gods Comments Off on LgSC Jelgovys birojs aicynoj iz kinu vokoru

Bīdreibys “Latgolys Studentu centrs” Jelgovys birojs aicynoj iz kinu vokoru 25. oktobrī 19.00 Sarmys īlā 4, Sabīdreibys integracejis puorvaļdis telpuos.

Kinys byus par viesturiskom nūtikšonom 1917. godā, kod Latgola, kas tymā laikā beja Krīvejis imperejis sastuovā, pījēme lāmumu apsavīnuot ar puorejū Latvejis teritoreju. Par procesu, kai tyka pījimts lāmums, varēs apsavērt kinys “Pyrmī osni” serejuos “Gambits 1917” i “Lauleibys”.

Pyrmajā kinys serejā teik ruodeits Fraņča Kempa i Fraņča Trasuna dialogs Pīterpilī, kur tymā laikā suocēs latgalīšu atmūda, sovpus ūtrā serejā “Lauleibys” atveiduotys nūtikšonys 1917. goda Latgolys kongresa laikā.

Ituo gods 5. i 6. majā nūtyka 4. pasauļa latgalīšu saīts aba “Latgolys symtgadis kongress”. Kas tymā tyka pījimts, kas ir mainejīs pa itim pīcim mienešim, kas mainēsīs i īspiejams nasamaineis, tū raudzēs stuosteit kinu idejis autors Arņs Slobožanins.

Komentari slāgti.