LgSC Jelgovys birojs aicynoj iz kinu vokoru

LgSC Jelgovys birojs aicynoj iz kinu vokoru

Bīdreibys “Latgolys Studentu centrs” Jelgovys birojs aicynoj iz kinu vokoru 25. oktobrī 19.00 Sarmys īlā 4, Sabīdreibys integracejis puorvaļdis telpuos.

Kinys byus par viesturiskom nūtikšonom 1917. godā, kod Latgola, kas tymā laikā beja Krīvejis imperejis sastuovā, pījēme lāmumu apsavīnuot ar puorejū Latvejis teritoreju. Par procesu, kai tyka pījimts lāmums, varēs apsavērt kinys “Pyrmī osni” serejuos “Gambits 1917” i “Lauleibys”.

Pyrmajā kinys serejā teik ruodeits Fraņča Kempa i Fraņča Trasuna dialogs Pīterpilī, kur tymā laikā suocēs latgalīšu atmūda, sovpus ūtrā serejā “Lauleibys” atveiduotys nūtikšonys 1917. goda Latgolys kongresa laikā.

Ituo gods 5. i 6. majā nūtyka 4. pasauļa latgalīšu saīts aba “Latgolys symtgadis kongress”. Kas tymā tyka pījimts, kas ir mainejīs pa itim pīcim mienešim, kas mainēsīs i īspiejams nasamaineis, tū raudzēs stuosteit kinu idejis autors Arņs Slobožanins.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]