Latgalīšu kulturys ziņu portals lakuga.lv

“Kolnasātā” saruna par latgalīšu volūdys lītuošonu saimē

“Kolnasātā” saruna par latgalīšu volūdys lītuošonu saimē

Pādejuos tautys skaiteišonys dati līcynoj, ka kasdīnā latgaliski runoj 8% Latvejis īdzeivuotuoju. Kaidā volūdā runuot ar bārnim, ir aktuals vaicuojums jaunajom saimem. Na vysi, kuri ar vacuokim runuojušs latgaliski, izavielej latgaliski runuot ari ar sovim bārnim. Tam īmasli var byut dažaidi. Kaids pīsatur pi redzīņa, ka bārnam, nazynūt latvīšu literarū volūdu, byus gryušuok īsakļaut bārnu duorza grupeņā voi ka vīnlaiceigi vairuoku volūdu apgive var kai traucēt bārna atteisteibai. Kaidam varbyut ruodīs, ka runuot ar bārnu latgaliski nav svareigi. Nu ir ari vacuoki, kurim runuot ar sovim bārnim latgaliski ir pošsaprūtami.

“Kolnasātā” saruna par latgalīšu volūdys lītuošonu saimē i tū, voi daudzvolūdeiga vide var nagativi ītekmēt bārna atteisteibu. Sarunā pīsadola divu bārnu mama Laila Ludborža-Gleizde, kurys saimis dzeive paīt storp Reigu i Rēzeknis nūvodu, Preiļu breivuos školys školuotuoja i mama Sanita Šuķe-Rasima. Telefoniski uzklausom Daugovpiļs Universitatis prodekanis, bakalaura studeju programys “Školuotuojs” direktoris Sandrys Zarinis vīdūklī.

Talakans, bubyns, žvūrgzdyns, garmane, tī ir tikai daži nu muzykys instrumentim, kurus seņuok spēlēja Latgolā. Kaidus instrumentus seņuok spēlēje Latgolā, stuosta etnomuzikologs, Latvejis Universitatis profesors Valdis Muktupāvels. Jam vosorys suokuos izguoja gruomota “Tautas mūzikas instrumenti Latvijā”.

Nūtikšonu kalendars

Nov
19
Pyr
20:00 Muzykys izlasis “Dvieselis steig... @ restoranā “Plaza” Daugovpilī
Muzykys izlasis “Dvieselis steig... @ restoranā “Plaza” Daugovpilī
Nov 19 @ 20:00 – 21:00
Muzykys izlasis “Dvieselis steigys” prezentaceja @ restoranā “Plaza” Daugovpilī | Daugavpils | Latvia
Gatavejūtīs Latvejis symtgadis svātkim, muzykaluo apvīneiba “Teksasys Latgalīši” i muzike Aija Nagle-Īzāka nu ASV īrakstejuši albumu “Dvieselis steigys”, kurymā apkūpuotys labi zynomys latgalīšu i latvīšu melodejis jaunā interpretacejā.Drukavuot
Nov
20
Ūtr
19:00 Muzykys izlasis “Dvieselis steig... @ “Kino māja"
Muzykys izlasis “Dvieselis steig... @ “Kino māja"
Nov 20 @ 19:00
Muzykys izlasis “Dvieselis steigys” prezentaceja @ “Kino māja" | Riga | Latvia
Gatavejūtīs Latvejis symtgadis svātkim, muzykaluo apvīneiba “Teksasys Latgalīši” i muzike Aija Nagle-Īzāka nu ASV īrakstejuši albumu “Dvieselis steigys”, kurymā apkūpuotys labi zynomys latgalīšu i latvīšu melodejis jaunā interpretacejā.Drukavuot