Reigā atkluos fotoizstuodi “Latgales veltījums Latvijai”

Reigā atkluos fotoizstuodi “Latgales veltījums Latvijai”

Svietejūt Latvejis Republikys proklamiešonys godadīnu, 15. novembrī 17.00 Reigā, Sv. Pītera bazneicā tiks atkluota fotoizstuode “Latgales veltījums Latvijai”, informej tuos organizatori.

Izstuodis atkluošonys pasuokums suoksīs ar svineigū svātbreidi i organizatoru uzrunom. Turpynuojumā pasuokuma dalinīkus sagaida Preiļu folklorys kolektiva “Rūtoj” uzastuošona, kai ari Latgolys gordumu degustaceja i sarunys breivā atmosferā.

Piec Latgolys fotografu bīdreibys vadeituoja Igora Pliča iniciativys izstuodis veiduošonā ir pīsadalejuši vaira par divejim symtim Latvejis fotografu. Ekspozicejis mierkis ir atkluot Latgolys regiona nūvodu sovpateibu i boguotynuot kūpejū kulturviesturi. Izstuodis apmaklātuoji tiks īpazeistynuoti ar dorbim, kas par gūdu Latgolys kongresa i Latvejis vaļsts symtgadei tyka apkūpuoti gruomotā “Latgalietis XXI gadsimtā”. Sovukuort ūtrei izstuodis daļa byus veļteita Latgolys ainovai, i kūpumā izstuodis apmaklātuoji varēs sajust i regionā dzeivojūšū cylvāku sirsneibu, i prīcuotīs par Latgolys dobys skaistumu.

Fotoizstuode “Latgales veltījums Latvijai” Sv. Pītera bazneicā byus apsaverama da 11. decembra.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]