Bolvūs apsaverama Annelis Slišānis izstuode “1/4 no #100dečiLatvijai”

Portals lakuga.lv 15. Novembris, 2017. gods Comments Off on Bolvūs apsaverama Annelis Slišānis izstuode “1/4 no #100dečiLatvijai”
Bolvūs apsaverama Annelis Slišānis izstuode “1/4 no #100dečiLatvijai”

Da 29. decembra Bolvu Centralajā bibliotekā apsaverama Annelis Slišānis austūs deču izstuode “1/4 no #100dečiLatvijai”.

Tekstilmuokslineica Annele Slišāne pyrma vaira kai goda suoce veiduot sovu duovonu Latvejis symtgadei – izaust 100 dečus, kotru nu sova materiala. I materiali cīši dažaidi – na tik audumi, bet ari vysvysaidi augi, pat laikroksti, maiseni, flomasteri… Niu gotovi jau 54 deči, i 25 nu tim apsaverami izstuodē Bolvūs. Kotram dečam kluotyn ir ari Annelis raksteits stuosts, kurā jei aproksta sovys izjiutys voi asociacejis ar izmontuotū materialu.

Vaira par Anneli i juos 100 dečim Latvejai var izzynuot, nūsaklausūt Latvejis Radejis raidejumu “Talantu galerija”, kas izskanēja novembra suokumā.

Karteņa: balvunovads.lv

Komentari slāgti.