Raidejumā “Kolnasāta” gostūs fotografs Leonīds Važnais, jis Rēzeknē izveiduojs sovu fotoškolu i daudzu godu laikā īgiutuos zynuošonys i uzkruotū pīredzi nūdūd jaunajim fotografim. Juo ceļš iz fotografiešonu aizasuocs teju pyrma 20 godu. Sarunā fotografs atkluoj, kai digitaluos kamerys i fotoapstruodis programys ir mainejušs myusu attīksmi pret fotografeju, kai lobuok saglobuot pyrma vairuoku godu i godu desmitu uzjimtuos biļdis.

Tyvojās vīna nu goda gaideituokajom nūtikšonom Latgolā – Latgalīšu kulturys goda bolvys “Boņuks” padūšonys ceremoneja, kurā cyldynuos zeimeiguokuos i lobuokūs sasnīgumus latgaliskajā kulturā 2017. godā. Itūgod Boņukus padūs 10. reizi, itūšaļt turpynojās pretendentu dasaceišona.