Nu 6. janvara Latvejis Radejis 4. programā krīvu volūdā suocs skanēt jauns raidejums par Latgolu “Латгальская студия” (tulk. Latgolys studeja). Eterā raidejums skaņ sastdīnēs 11.10, atkuortuojumu var dzierdēt trešdīnēs 14.10, kai ari sevkurā laikā nūsaklauseit internetā. “Латгальская студия” veidoj Latvejis Radejis Latgolys studeja Rēzeknē, bez jaunuo raidejuma studeja gatavej vēļ divus raidejumus – “Kolnasātu”, kas skaņ satdīnēs LR 1, i “Latgolys stuņde”, kas skaņ kotrū pīktdīni tīšraidē LR 1 Latgolys teritorejā.

Pyrmajā “Латгальская студия” raidejumā stuosta par Goliševu, kas ir vīns nu Latgolys krīvyskuokajim pogostim, raidejuma vadeituojs Sergejs Kuznecovs teikās ar daiļsliduotuoju Denisu Vasiļjevu. Raidejumā tiks runuots ari par latgaliskim vuordim, itymā reizē par vuordu “Vasals!”.