15. janvarī tiks publicāts grupys “DeLight” debeja albums “Bez tevis gaisā”. Albumā īkļautys grupys pastuoviešonys laikā saraksteituos dzīsmis. Nu jaunuo albuma da šam publicātys div dzīsmis: paguojušuo goda beiguos dzīsme “Bezvārdis” i ituo goda suokumā – albuma tituldzīsme “Skriesim”.

Grupys pyrmsuokumi vaicojami tuolajā 2005. godā Juoņa Eglīša Preiļu Vaļsts gimnazejā. Tūreiz grupys nūsaukums beja “D-Light”. Grupa ir pīsadalejuse festivalā “Muzykys Skrytuļs”, kai ari tykuse da pusfinala SeMS TV muzykalajā projektā “Troksnis”. Grupys dalinīkim suocūt studejis Reigā, nadaudz mainejuos ari grupys sastuovs. Itūšaļt grupys sastuovā ir Juoņs Raubiško (vokals, basgitara), Armands Zagorskis (gitara), Valdis Metlāns (bungys), Juoņs Krēsliņš (vokals, tausteni).

Piec itūs izmaiņu grupa tykuse ari pi jauna nūsaukuma “DeLight”. Treis grupys puišim dzymtuo puse ir Latgola, partū ari lykumsakareigai, ka div dzīsmis nu jaunuo albuma ir latgalīšu volūdā.

Albuma “Bez tevis gaisā” īroksts veikts 2016. godā. Albumā puorsvorā īkļautys dzīsmis, kas saraksteitys grupys pyrmsuokumūs, nu, mejūtīs sastuovam, tuos tykušys pi jauna skaniejuma i aranžejis. Pamatā dzīsmis stuosta par jaunīšu dzeivi i attīceibom. Albuma īroksts veikts “KS Records” studejā. Miksēja i māsterēja Kārlis Šteinmanis.