Portals lakuga.lv jau ziņuoje par aktiru atlasi Rēzeknē tūpūšajai režisora Vīstura Kairiša kinai “Piļsāta pi upis”, kas byus latgalīšu volūdā. Aktiru atlase turpynojās, i fiļmētīs grybātuoji aicynuoti iz kastingu Kruoslovā.

Latgalīši, kuri gryb fiļmētīs kinā, tiks gaideiti 3. februarī Kruoslovys Kulturys nomā nu 12:20 leidz 18:30. Teik gaideiti vysu vacumu cylvāki, nu eipaši sportiski puiši i cylvāki godūs, ziņoj kastinga organizatori Spotlight Casting.

Fiļmiešonys process Viestura Kairiša jaunajai kinai “Piļsāta pi upis”  suoksīs jau februara beiguos. Fiļmiešona nūtiks Latgolā (Ludzā, Rēzeknē, Kruoslovā). Kinys scenareja pamatā ir Gunara Janovska romans ar taidu pošu nūsaukumu. Kinys golvonajam varūņam Anšam ir navaineiga profeseja – daiļkruosuotuojs. Jis ir pīpraseits pi vysu režimu – autoritarajā pyrmskara Latvejā, pi komunistu i nacistu. Bet juo sirdi i dvēseli navar īgiut nivīns nu tūs.

Režisors Viesturs Kairišs par tūpūšū kinu soka: “Koč i cik naciļvieceiga byutu viesturis nūtikšonu gaita, cylvākam vysod ir īspieja palikt cylvākam. Vīna nu kinys leluokuom ambicejom ir pastuosteit par tik nabeidzami daudzom viesturiskom nūtikšonom, napuorsavieršūt formalā nūtikšonu kaleidoskopā.”