Rēzeknē byus apsaverama foto izstuode “Latgalietis XXI gadsimtā”

LaKuGa 29. Janvars, 2018. gods Comments Off on Rēzeknē byus apsaverama foto izstuode “Latgalietis XXI gadsimtā”

Latgolys Kulturviesturis muzejā Rēzeknē byus apsaverama Latgolys fotografu bīdreibys izstuode “Latgalietis XXI gadsimtā”, kas veļteita Latgolys kongresa i Latvejis vaļsts symtgadei.

Fotografeju izstuode i apjūmeiga i laikītilpeiga dorba rezultats, kurys idejis autors ir Latgolys fotografu bīdreibys vadeituojs, Preiļu fotografs Igors Pličs. Izstuode topuse nu fotokonkursa dorbim, kurā pīsadaleja 130 fotografi, īsyutūt 2618 biļdis. Konkursa biļdis izdūtys ari unikalā fotalbumā. Izstuodē apsaveramuos biļdis ir tikai nalela daļa nu tūs šaļteņu fiksacejis, kū tvārušs gon profesionali fotomeistari, gon fotografi-amatiri, atkluojūt portretūs myusu dīnu latgalīša raksturu, emocejis i dzeivis telpu.

Izstuodi atkluos 2. februarī 15:00 stuņdēs, apmaklātuojim tei byus daeinama leidz 3. martam.

Komentari slāgti.