Myusdīnu muokslys galerejā Leivuonā nu 7. apreļa da 5. majam byus apsaverama gleznuotuoju apvīneibys “V.I.V.A.” izstuode “Labākā izšķirtspēja”. Sasatikšona ar muokslineicom izstuodis atkluošonys dīnā 7. aprelī 15.00 stuņdēs.

Apvīneiba dorbojās jau 11 godus, i kotra nu muokslineicu īt nu sovys Latgolys vītys: Vēsma Ušpele nu Maltys, Ilze Greizāne nu Leivuona, Vija Stupāne nu Aglyunys, Agra Ritiņa nu Rēzeknis. Apvīneibai “V.I.V.A.” da šam bejušs izstuodis gon Latvejā (Reigā, Rēzeknē, Bolvūs, Leivonūs, Tukumā i c.), gon uorpus Latvejis – Lītuvā, Boltkrīvejā i Vuocejā.

Vīna nu muokslineicu apvīneibys dalineicom Agra Ritiņa atkluoj, ka izstuodis “Labākā izšķirtspēja” īcere ir likt dorbu pi dorba, kab izavārtu, ka teik veiduota kūpejuo biļde gondreiž kai nu pikselim, kas ir sevkura attāla mozouokais elements. Jei atkluoj, ka izstuodē byus vareiba apavērt muokslineicu dorbus nu laika, kod juos tikkū suoka īt muokslys ceļu, byušūt ari ainovys, Latgola, Latveja, cylvāki, nūtikšonys, – vyss, kas pošom ir patics i kam ir dūta sova energeja, dorbs, laiks.

Viests sagataveita piec Myusdīnu Muokslys galerejis snāgtuos informacejis