Pāvela Ostapceva izstuode “Latgales zelta druvas”

LaKuGa 9. Apreļs, 2018. gods Comments Off on Pāvela Ostapceva izstuode “Latgales zelta druvas”

11. aprelī 15.00 Latgolys Kulturviesturis muzejā nūtiks Pāvela Ostapceva izstuodis “Latgales zelta druvas” atkluošona i sasatikšona ar autoru. Izstuode byus apsaverama leidz 8. majam.

Muokslinīks Pāvels Ostapcevs, svietejūt sovu 60. dzeivis jubileju, rēzeknīšim i piļsātys gostim muzeja izstuožu zalūs saryupiejs gleznu izstuodi i albumu kai veļtejumu laikam – paguotnei, tagadnei i nuokūtnei.

Muokslinīks otkon paruoda i atguodynoj leidzcylvākim Latgolys bagateibu, izstuodei dūtū nūsaukumu attīcynojūt na viņ iz smogū vuorpu zaltu rudeneigā dryvā, bet ari iz cylvāku sirds duosnumu, labesteibu i dzeivisprīcu. Apmaklātuoji teik aicynuoti īraudzeit skaistumu tī, kur Dīvs kotram ir lics byut, dorbuotīs i radeit.

Albuma īvodā Pāvels Ostapcevs pasasoka laikam, kas ļuovs jam radeit, i cylvākim, kas bejuši sūpluok i ticiejuši juo vareišonai i spiejom. Jis atkluoj ari sovu mīlesteibu pret Latgolys dobu, sauli, gaisu, iudini, kas davuši spākus i īdvasmys šaltenis. Ari ticeiba Latgolys nūvoda bagateibai i laimeigim cylvākim, kas ar sovim dorbim vairoj lobū iz ituos zemis, Pāvelam Ostapcevam ir cīši svareiga.

Karteite: glezna “Daugava zem debesīm”, 2016, 40×50 cm
Viests sagataveita piec Latgolys Kulturviesturis muzeja snāgtuos informacejis

 

Komentari slāgti.