Ar “Kulturys škiuņs” atkluošonu Lūznovys muiža svieteis atdzimšonys trešū godadīnu

Ar “Kulturys škiuņs” atkluošonu Lūznovys muiža svieteis atdzimšonys trešū godadīnu

Sastdīņ, 21. aprelī, Lūznovys muižai byus eisti svātki i atDZIMŠONYS dīna – tiks svieteita muižys trešuo dzimšonys dīna kūpš muižys atkluošonys piec vierīneigim atjaunuošonys dorbim. Svātku dīnā muižys kompleksā atkluos jaunu nūtikšonu vītu “Kulturys škiuņs”, kurai dūts latgaliskys nūsaukums, i simboliski syuteis sveicīņus Lītuvai, ar kuru saistuos ari muižys viesture, tuos 100. dzimšonys dīnā.

Rēzeknis nūvodā asūšū romantiskajā jūgendstylā caltū Lūznovys muižu apmaklātuojim piec vierīneigim atjaunuošonys dorbim atkluoja 2015. goda 25. aprelī. Muiža niu ir spylgtuokuo i aktivuokuo kulturys, muokslys i uzniemiejdarbeibys nūrišu veicynuotuoja Rēzeknis nūvodā. Treis darbeibys godu laikā te nūtykušs vaira nakai 300 dažaida veida pasuokumi – koncerti, izstuodis, seminari, radūšuos darbneicys, muiža ir īcīneita kuozu nūrisis vīta. Lūznovys muiža sajēma Latgalīšu kulturys goda bolvu “Boņuks 2015” kai 2015. goda spylgtuokuo nūtikšona latgalīšu kulturā.

21. apreļa nūtikšonu programa

14.00 lītuvīšu keramikis Daivys Ložītys dorbu izstuodis i Mikalojus Konstantina Čurļoņa gleznu reprodukceju izstuodis atkluošona. Bezmoksys.

15.00 Koncertstuostā “Tas viņš. Čurļonis!” izcylū lītovīšu komponistu i muokslinīku laikabīdru atmiņuos muzykali izstuosteis Čurļoņa mozmozdāls, pianists Roks Zubovs i juo sīva, pianiste Sonata Zuboviene. Bilešu cenys 6,00 – 10,00 eiro.

17.00 Nūtikšonu vītys “Kulturys škiuņs” atkluošona. Atjaunuotais škiuņs byus jauna vīta sabīdriskūs pakolpuojumu i kulturys nūtikšonu eistynuošonai. Bezmoksys.

19.00 Muižys trešuos atdzimšonys godadīnys i “Kulturys škiuņa” atkluošonys dīnys eipašī gosti – Australejis grupa “Kaurna Cronin Band”, kuru nu 17.30 īsiļdeis latvīšu gitarists Matīss Čudars. Biletis cena 5,00 eiro.

Karteite: publicitatis foto.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]