2018. goda majā Latgolys viestnīceiba GORS, kas ir pyrmais jaunuzcaltais koncertzals Latvejā 21. godu symtā, sviņ pīktū dzimšonys dīnu. Pīcūs godūs koncertzals ir mainejs na tikai Rēzeknis, bet Latvejis kulturtelpu, bet klivs par Latvejis kulturys dzeivē svareigu pīturpunktu, kuru atzineigi viertej gon muokslinīki i nūzaris profesionali, gon apmaklātuoji. Sovu pīktū dzimšonys dīnu koncertzals sviņ ar plošu programu.

Pyrmais svātku nūtykums jau beja 5. majā, pi seva gostūs GORS aicynoj 16. majā iz muzykalu komedeju vysai saimei „Talantu šovs“. Svātku sviniešona turpynuosīs 19. majā ar Mērnys Kleitonis džeza kvinteta (ASV) i Rēzeknes bigbenda koncertu.

Koncertzala pīcu godu jubileja svineibys nūsaslēgs 26. majā ar latgalisku sasadzīduošonu “Vysi muni gosti beja”. Sasadzīduošonā postfolklorys grupa “Rikši” i grupa “Tautumeitas” saveis bolsus ar grupu “Chveneburebi” nu Gruzejis i “Babkiny vnuki” nu Krīvejis, kab etnomuzykys nūskaņuos piļdeitu na viņ GORA Lelū zalu, bet ari apmaklātuoju i pošu leidza dzīduošonys prīcu. Apmaklātuojim byus vareiba izavielēt, voi byut vāruotuojim nu molys voi ari byut dzīduošonys epicentrā pi Latgolai tik rakstureigajim garajim goldim.

GORS publicitatis karteite, autors Martins Kudrjavcevs.