Muzeju naktī ari latgaliskys nūtikšonys

Portals lakuga.lv 16. Majs, 2018. gods Comments Off on Muzeju naktī ari latgaliskys nūtikšonys

19. majā, sastdīņ, vysā Latvejā i pasaulī nūtiks Muzeju nakts, Latvejis symtgadis reizē Muzeju nakts tema ir “Šyupeļs”. Kotrs muzejs pīduovuos sovu redziejumu par itū temu. Vairuoki Latgolys muzeji sovus apmaklātuojus puorsteigs ar latgaliskom nūtikšonom.

Bolvu nūvoda muzejs aicynoj iz radūšu dorbuošonūs „Latgale – Latvijā” – „Ziemeļlatgales krāsu raksti” kūpā ar bīdreibu “Radošās idejas”. Daugovpiļs cītūksnī atkluos fotoizstuodi „Latgales simtgades ainavu ceļi jauniešu acīm”. Naujenis Nūvodpietnīceibys muzejā byus apsaverama muokslys ekspoziceja „Latgales parīziete Valentīna Zeile” i etnografiska ekspoziceja „Skovorda, ližeika, kačerāgs i citi štrumenti”.

Iz latgaliskom nūtikšonom aicynoj Skryndu saimis muzejs Vabalī, dūdūt tom kūpieju nūsaukumu “Šyupoj mōte dēliniu- Mēmess lūgā spīž-… (Purins, Drywa 1912.)”. Dzejnīki Egita Terēze Jonāne i Valentins Lukasevičs aicynuos īsaklauseit Ontona Skryndys sastateituos pyrmuos latgalīšu dzejis antologejis “Kūkle” (1914) skaņuos.

Latgolys Kulturviesturis muzejā Rēzeknē varēs nūsavērt etnografiskuo ansambļa “Rikava” uzvaduma fragmentu „Krystobys”, uzspēlēt izgleitojūšu datorspeli “Īsapazeisim”. Vokora nūslāgumā byus vareiba baudeit lelu popularitati īmontojušuos hip hopa apvīneibys “Latgalīšu reps” koncertu.

Vysu Latgolys nūtikšonu programu var atrast muzeju-nakts.lv

Publicitatis karteite.

Komentari slāgti.