Jauna bārnu gruomota latgaliski – „Meikuleņš īpazeist omotus”

Jauna bārnu gruomota latgaliski – „Meikuleņš īpazeist omotus”

Bīdreiba “Latgolys Studentu centrs” izdavuse daudzbārnu mamys Meldrys Gailānis stuostu gruomotu bārnim „Meikuleņš īpazeist omotus”. Tei ir ilustrāta stuostu sereja par luocāna Meikuleņa i juo draugu – meitineitis Martys, začineitis Pūdzenis i ezeiša Pukšātuoja pīdzeivojumim, īpazeistūt dažaidus omotus.

Gruomotys ilustracejis veiduojuse muokslineica Līga Munda. Gruomota „Meikuleņš īpazeist omotus” paradzāta pyrmškolys i suokumškolys vacuma bārnim skaiteišonai pošim voi kūpā ar vacuokim, atkluojūt dažaidus omotus i tū nūslāpumus.

Gruomotys izdeviejs, autoris i luocāns Meikuleņš aicynoj iz gruomotys „Meikuleņš īpazeist omotus” attaiseišonys svātkim 6. junī Rēzeknis piļsātys bārnu bibliotekā (Duorzu īlā 37, Rēzeknē).

Pasuokuma laikā nu 9.30 leidz 13.00 ar muzykalim prīkšnasumim prīcēs Annija Igaune i Bieržgaļa pamatškolys meitinis, gruomotys stuostu izruodeis Rēzeknis Tehnologeju akademejis studentu teatris „ĶerRA”, sovukuort  mozuokī pasuokuma apmaklātuoji varēs vuiceitīs dažaidus rūkdorbus.

Gruomotys tekstu autore Meldra Gailāne ir studiejuse filologeju Rēzeknis Tehnologeju akademejā (RTA). Jei roksta gon prozu, gon dzeju. Nu 2012. goda Meldra ir Daugovpiļs Universitatis projekta „Austrumlatvijas literārā akadēmija” dalineica, juos dzeja ir izdūta vairuokūs kūpkruojumūs. Gruomotys šmukūs zeimejumu autore ir RTA  dizaina studente Līga Munda. Gruomotys tekstus redigēja i korekturu veice Sandra Ūdre.

Jaunuo stuostu gruomota tiks duovynuota Latgolys bibliotekom i byus dabojama  sevkuram interesentam. Gruomota izdūta ar Latgolys regiona atteisteibys agenturys, Vaļsts kulturkapitala fonda i AS „Latvijas Valsts meži” finansialu atspaidu.

Publicitatis karteite

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]