Reigā aicynoj iz lekceju par apgierba viesturi Latgolā

LaKuGa 5. Juņs, 2018. gods Comments Off on Reigā aicynoj iz lekceju par apgierba viesturi Latgolā

Muokslys zynuotņu doktore i apgierba pietneica Ieva Pīgozne aicynoj iz naformalu lekceju par jaunatkluojumim pietejumā “Apģērba attīstība Latgalē 19. gadsimtā”. Lekceja nūtiks 11. junī 18.00 stuņdēs Latgolys puorstuovnīceibā Reigā Torņu īlā 4/III.

Ar 2018. goda janvari Ieva Pīgozne ir uzsuokuse treis godu pietnīceibys projektu “Apģērba attīstība Latgalē 19. gadsimtā”. Projekta ītvorūs ir planavuots ar pietejuma gaitu i rezultatim īpazeistynuot plošuoku sabīdreibu, rokstūt blogā, kai ari vidieji reizi pusgodā reikojūt naformalys lekcejis interesentim.

Lekcejā Ieva Pīgozne stuosteis par interesantuokajim jaunatkluojumim i ruodeis attālus ar apgierbu daļom nu muzeju kruotuvem. Pietneica atzeimoj, ka kūpš pietejuma uzsuokšonys ir atkluojuse vairuokus prīkšstatus par Latgolys apgierbu, kas izaruodejušs mīti, tūs jei rauga klīdēt. Interesentus aicynoj lekcejai pīsaregistrēt.

Karteite: lakuga.lv arhivs

Komentari slāgti.