10. reizi Ludzā nūtiks Lelais latgaļu tiergs

LaKuGa 8. Juņs, 2018. gods Comments Off on 10. reizi Ludzā nūtiks Lelais latgaļu tiergs

Itūgod jau 10. reizi Ludzys piļskolnā nūtiks Lelais latgaļu tiergs, iz kuru sabrauks Latgolys i puornūvodu saiminīki i meistari ar sovim ražuojumim, kai ari byus vuocīšu, lītuvīšu gostu darynuojumi i prasmju demonstriejumi.

Lelajā latgaļu tiergā varēs izbaudeit Dobys školu ar veseleibys čaju meistaru dr. Artūru Tereško, īgiut jaunys zynuošonys par Saulgrīžu svātku tradicejom, pagasteit Kroma kolna latgaļu apmetnī, redzēt vydslaiku teatri nu Polockys i klauseitīs latgalīšu dzīsmēs, baudeit sīru, olu, dažaidus gordumus i īsavuiceit sīt Latgolys pakša sīru kūpā ar sīru meistari Lidiju Lubāni. Byus padūmuots ari par bārnim – byus senejis kaitys i vyzynuošonuos ar zyrgim, atrakcejis.

Progrmma

10:00 Leluo latgaļu tierga atkluošona

10:15-10:30 Ludzys TN pyutieju orkestris “Ludza”

10:30-11:00 Cytu regionu dyžtiergu prezentacejis i stuosti par Latvejis nūvodu tautys tārpim (Linda Rubena), vuocu, lītuvīšu i boltkrīvu partneru pīteikšona

11:00-12:30 Isnaudys etnografiskais ansamblis “Isnauda” i Inārys Jakupānis stuosts par Saulgrīžu svātku tradicejom, “Dabas skola” kūpā ar dr. Artūru Tereško

12:30-13:00 Latgolys Studentu centra folklorys kūpa “Ceidari”

13:00-14:00 Polockys vydslaiku teatra izruode i vydslaiku apmetne, Kroma kolna apmetne

14:00-14:30 Dzīsminīks Arņs Slobožanins, Juoņu sīra sīšona kūpā ar Lidiju Lubāni

14:30-15:00 Nūslāgumā Juoņu īleiguošona kūpā ar Ludzys TN folklorys kūpu “Dzeipori”

Komentari slāgti.