Internetā jauns resurss par latgalīšu volūdu

Internetā jauns resurss par latgalīšu volūdu

Latvīšu volūdys agentura sadarbeibā ar datorspecialistim izveiduojuse apjūmeigu elektronisku Latvīšu volūdys rūkysgruomotu valodasrokasgramata.lv. Tymā īkļauta ari apjūmeiga informaceja par latgalīšu rokstu volūdu.

Elektroniskuo Latvīšu volūdys rūkysgruomota ir enciklopediska rakstura dorbs, informativs vuiceibu paleigleidzeklis latvīšu volūdnīceibā, kurā apkūpuoti i izkluosteiti golvonī vaicuojumi 26 volūdnīceibys nūzarēs i apakšnūzarēs (kūpā vaira nikai 1500 škirkļu aba satura vīneibu).

Sadaļā par latgalīšu rokstu volūdu pīejami škirkli par latgalīšu rokstu volūdys normativū, lykumiskū i viesturiskū aspektu, skaidruoti jiedzīni “latgalīši” i “latgali”, izkluosteiti latgalīšu rokstu volūdys atteisteibys periodi, ari raksteibys nūsacejumi i atrūnami vierteigi padūmi rokstu volūdys prasmju uzlobuošonai. Jaunajā rūkysgruomotā atrūnama ari atbiļde iz vaicuojumu “Kas ir latgalīšu rokstu volūda? Volūda, dialekts ci izlūksne?”.

Viesti sagataveja portals lakuga.lv

Print Friendly, PDF & Email