Dzīsmusvātkūs izruodeis Rēzeknis Tautys teatra komedeju

LaKuGa 27. Juņs, 2018. gods Comments Off on Dzīsmusvātkūs izruodeis Rēzeknis Tautys teatra komedeju

6. julī 15.00 Dailis teatra Mozajā zalā tiks izruodeita Rēzeknis Tautys teatra komedeja latgaliski ar dzīduošonu i doncuošonu – Broņislava Vaļpītra „Patentēts inteliģents jeb kai Mikeļs precētīs gribēja” (režeja – Māra Zaļaiskalns). Izruode ir īkļauta Dzīsmusvātku amatīrteatru programā

Kū lai īsuok Mikeļs, kurs tik cīši gryb precētīs, nu izradzātuo ir cīma smolkuokuo mārga i par preciešonūs nimoz nadūmoj. Školys saimineica zyna saceit, ja preciešūtīs, tod tikai ar „inteliģentu personu”. Par paleigim i padūmdeviejim naivajam i paslynkajam, nu uzniemeigajam lauku puišam dasasoka gon Pabiru partejis vītejuos nūdali dybynuotuojs Misiņa kungs,gon veiklī tierguotuoji Abrams ar kundzi, gon cyti lobvieli.

Karteite: Maija Upeniece

Komentari slāgti.