Suokusēs registriešonuos pāvesta Svātajam Mišam Aglyunā

Suokusēs registriešonuos pāvesta Svātajam Mišam Aglyunā

Suokusēs registriešonuos pāvesta Franciska vadeitajam Svātajam Mišam Aglyunā 24. septembrī, registraceja ilgs leidz 19. augustam. Kai nūruoda organizatori, registraceja vajadzeiga, kab sagataveitu infrastrukturu i nūorganizātu ārtuoku dalinīku īsarosšonu.

Registrētīs var katuoļu draudzēs ci internetā aizpyldūt pīteikumu, kas pīejams ite. Vīna persona varēs registrēt vairuokus cylvākus, nūruodūt juo vuordu, pavuordi, īsarosšonys veidu Aglyunā i sovu kontaktinformaceju. Tīm, kas registrēsīs internetā, byus juonūruoda bazneica, kurā gribēs sajimt īejis karti. Īejis kartis Svātuo Miša dalinīki varēs sajimt nu 9. septembra, informaceja par īejis karšu sajimšonu ite. Vaira informacejis par registraceju var atrast sātyslopā pavestsLatvija2018.lv, kai ari pi draudžu prāvestim.

Cylvākus ar eipašom vajadzeibom ci kusteibu trauciejumim organizatori lyudz registrētīs ci registrēt, sasazynojūt ar “Caritas Latvija” (tālr: 29552102, e-pasts: info@caritas.lv). Registrejūtīs “Caritas Latvija”, itim cylvākim tiks nūdrūšynuots atbylstūši vajadzeibom īreikuots sektors Aglyunā, kai ari organizāta paleidzeiba nūkliušonai leidz Aglyunai. 

Pāvests Franciskys 22. – 25. septembrī apmeklēs Baļtejis vaļsts, 22. i 23. septembrī gasteis Lītovā, 24. septembrī – Latvejā, bet 25. septembrī – Igaunejā. Zynoms, ka nu reita jis tiksīs ar Latvejis Vaļsts prezidentu, politikim, diplomatim, sabīdreibys puorstuovjim, nūliks pučis pi Breiveibys pīminekļa, pīsadaleis ekumeniskajā dīvkolpuojumā reigys Dūmā i apmeklēs Reigys Sv. Jākuba katedrali, sovukuort piecpušdīnē dūsīs iz Aglyunu, kur Latvejis nūzeimeiguokajā katuoļu svātvītā svieteis Svātū Mišu.

Karteite: lakuga.lv arhivs

Nūtikšonu kalendars

Dec
11
Ūtr
14:00 Viesturis šaļteņu pītura “Piemin... @ Latgolys Kulturviesturis muzejs
Viesturis šaļteņu pītura “Piemin... @ Latgolys Kulturviesturis muzejs
Dec 11 @ 14:00
Viesturis šaļteņu pīturā pīminēs vyspuseigū Latgolys personeibu Ontonu Slišānu, atguoduos kūpā muzejā pavadeituos šaļts, byus sasatikšona ar O. Slišāna tyvinīkim.Drukavuot
Dec
13
Cat
19:00 Gruomotys “Latgales pēdējie mohi... @ Reigā, Veru īlā 6
Gruomotys “Latgales pēdējie mohi... @ Reigā, Veru īlā 6
Dec 13 @ 19:00
Gruomotys "Latgales pēdējie mohikāņi" attaiseišona @  Reigā, Veru īlā 6 | Rīga | Latvija
Gruomota topuse vairuoku ekspediceju rezultatā, kuruos folkloriste i Zīdūņamuzeja pietneica Rūta Šmite kūpā ar antropologi i fotografi Elīnu Kursīti vuokušys cylvāku stuostus i īmyužynuojušys Latgolys mozcīmu īdzeivuotuojus fotografejuos. Gruomotu veidoj 52 stuosti, kurus papyldynoj vizuali boguoteigys[...]