Latgalīšu muzykys vokors Reigā ar grupom “Bez PVN” i “Dabasu Durovys”

Portals lakuga.lv 8. Augusts, 2018. gods Comments Off on Latgalīšu muzykys vokors Reigā ar grupom “Bez PVN” i “Dabasu Durovys”

Puišu grupys “Bez PVN” i “Dabasu Durovys” caturtdīņ, 16. augustā, īness jaunys vāsmys Reigā Kalncīma kvartalā i īpazeistynuos apmaklātuojus ar latgalīšu muzykys pasauli. Roka nūskaņuos publiku īsiļdeis grupa “Dabasu Durovys”, sovukuort vokoru turpynuos vīna nu popularuokūs latgalīšu grupu “Bez PVN”.

Koncerta īvoddaļā apmaklātuoji varēs īpazeit Latvejā dzeivojūšuos mozuokumtauteibys ar kazaku ansambli “Debeszils zieds” i poļaku kori “Polonez”. Paraleli nūtiks maizis darbneica, kurā byus īspieja izgataveit i paraudzeit tradicionalū kazaku maizi, kai ari apsavērt tradicionalūs kazaku tautiskuo montuojumu darynuojumus – gūda rūčinīkus i izšivumu rokstus.

Īeja pasuokumā nu 18.00 stuņdem, bez moksys.

Komentari slāgti.