Uzjimta kina par latgalīšim Pīterpilī

LaKuGa 26. Augusts, 2018. gods Comments Off on Uzjimta kina par latgalīšim Pīterpilī


Rokstu sagataveja: portals lakuga.lv

Uzjimta divu sereju dokumentaluo kina “Latgalīši Pīterpilī”, pyrmizruode nūtiks 6.septembrī 18.00 stuņdēs Daugovpilī “Šmakovkys muzejā”.

Kina stuosteis par Latgolys nacionaluos atmūdys darbinīkim 20. godu symta suokuos Krīvejis imperejis golvyspiļsātā Sanktpīterburgā aba Pīterpilī. Tiks atkluotys atmūdys kusteibys darbinīku gaitys i dorbi, stuosteits par latgalīšim, kuri beja nūzeimeigi vysys imperejis leiminī, par optiskuo telegrafa lineju, kas škārsuoja vysu Latgolys teritoreju, par pyrmajim viļcīnim, kas Latgolā ībrauca nu Pīterpiļs. Īeja pasuokumā byus bezmoksys.

 

Komentari slāgti.