Daugovpilī dzymušī kamermuziki izastuos kūpejā koncertā
Rokstu sagataveja: portals lakuga.lv
Ituo goda 10. oktobrī 18 stuņdēs VII Muzykys i muokslys festivala “Daugavpils ReStArt 2018” ītvorūs Vīneibys noma koncertzalē nūtiks kamermuzykys koncerts “Dzimuši Daugavpilī”.
Klauseituojim byus īspieja dzierdēt latvīšu i uorzemu komponistu vokaluos i instrumentaluos kamermuzykys pērlis bejušūs i asūšūs daugovpilīšu – Stanislava Broka Daugovpiļs Muzykys vydsškolys absolventu – snāgumā. Koncertā pīsadaleis Justīne Baulina, Ilona Broka, Aivars Broks, Inta Klimoviča, Staņislavs Kozlovskis, Makss Krilovs, Andris Salenieks, Natālija Saveļjeva, Dārta Stašāne, Vera Taļerko, Arnita Tāraude, Viktorija Trofimova, Viktorija Agnese Vancāne, Jūlija Vasiļjeva, Olga Vrešča, Diāna Anna Zaharova.
Koncerta biletus var nūpierkt Vīneibys noma koncertzalis kasē.
Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.
