Jaunais žurnala “A12” numers – par rūbežlinejom i cylvāku drūsumu

Portals lakuga.lv 5. Oktobris, 2018. gods Comments Off on Jaunais žurnala “A12” numers – par rūbežlinejom i cylvāku drūsumu

Roksta autors: žurnals “A12”

Jaunajā žurnala “A12” oktobra numerī var skaiteit par rūbežlinejom i drūsom latgalītem, kurys izadreikst byut goreigā laika jūslā.

Latgola ir rūbežlineja, kuramā sasaskar kulturys i vysaidu cylvāku goreiguos izpratnis, partū nūteik sadursmis voi rūnās koč kas vīnreizejs i dīveigs. Žurnals “A12” pietej leidzeigus regionus pasaulī – ceļoj iz Narvu, kur planavoj vierīneigu izgleiteibys reformu vaļsts volūdys apvuiceibā – apvīnuot igauņu i krīvu školys vīnā. Anna Paklone nu Briselis iz sovu sātu Mērdzinis pogostā atbrauc ar džipu i jū restaurej, nasaverūt iz 91 godu vacumu. Evija Maļkeviča ir uzadrūsynuojuse atstuot labi apmoksuotu dorbu Reigā i atsagrīzt Ondrupinē, lai izprostu muolu, dobys i Vysuma lykumus i vīnlaiceigi ari poša sevi. Plaukstūšuo mūdis muokslineica Laima Jurča nu Kuorsovys puorsteidz kruosainūs tārpūs i apdrukuos. I tuos sajiutys, kruosu dzeiveigumu Laima giun nu bierneibys i Kuorsovys. Nūst ar latvīšu palākū, ka dzeivis i dorbu paletēs ir slaviski kūšais. Deču audieja Annele Slišāne par spāka olūtu pīzeist Zeļču sātu i deču veiduošonu saleidzynoj ar kvantu fiziku.

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta līdzekļu projekta “Robežlīnijas” ītvarūs.

Komentari slāgti.