Latgalīšu volūdai sataiseits Instagram konts

Latgalīšu volūdai sataiseits Instagram konts

Roksta autors: portals lakuga.lv

“Latgalīšu kulturys ziņu portals lakuga.lv” socialūs medeju vītnē Instagram sataisejs kontu latgalīšu volūdai, tymā publicejūt fotografejis i video, kurymūs radzama i dzieržama latgalīšu volūdā dažaiduos situacejuos Latvejā i pasaulī.

Latgalīšu volūdys konts sataiseits ar mierki popularizēt latgalīšu volūdu interneta vidē, jo eipaši jaunīšu vydā, kuri lelu daļu sovys kasdīnys pavoda socialajūs medejūs. Portala lakuga.lv redaktore Vineta Vilcāne nūruoda: “Gribim izceļt vītys, nūtikšonys, iniciativys i produktus, kurymūs izmontoj latgalīšu volūdu, pīvadumam, īlu nūruodēs, kopejneicu i veikalū nūsaukūmus, dažaidu produktu nūsaukumūs. Latgalīšu volūdu var dzierdēt i redzēt na tikai Latgolā, bet ari pasaulī. Aicynojam sevkuru, kuram izadūd fotografejā ci eisā video īmyužynuot latgalīšu volūdu publiskajā vidē, daleitīs ar mums Instagram, atzeimejūt kontu @voluuda, ci syuteit iz e-posta adresi info@lakuga.lv.”

 

 

 
 
 
 
 
View this post on Instagram
 
 
 
 
 
 
 
 
 

 

Latgaliski runuot prūt ari ļauds nu Meksikys! #latgaliski #latgalian #ltg #meksika #lakuga

A post shared by Latgalīšu volūda (@voluuda) on

 

2011. godā tautys skaiteišonā dazynuoja, ka kasdīnā latgalīšu volūdu lītoj aptyvai 8,8 % Latvejis īdzeivuotuoju. Vysbīžuok latgalīšu volūdu lītoj Kuorsovys, Baļtinovys i Varakļuonu nūvodūs. 2010. godā latgalīšu volūdai tyka pīškierts storptautyskais ISO kods (LTG).

 

 
 
 
 
 
View this post on Instagram
 
 
 
 
 
 
 
 
 

 

Kuorsovā vari staiguot pa latgaliskom īlom. #latgaliski #latgalian #ltg #kuorsova

A post shared by Latgalīšu volūda (@voluuda) on

 

Publicitatis karteite.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]