Var nūsavērt catūrtū raidejumu “Laika leigučuos”

Var nūsavērt catūrtū raidejumu “Laika leigučuos”

Roksta autors: Latgolys entuziastu grupa “Biļdis”

Raidejums “Laika leigučuos” atguodoj kūkļu meistaru Donatu Vucinu, kai kūks juo rūkuos puorsavērte muzykys instrumentūs, kai meistara atstuotū montuojumu tur i ceļ gūdā juo saime.

Sovukuort raidejuma Latgolys personeibu sadaļā – par Juri Cybuli, kurs 1990. gods 4. majā kai Augstuokuos padūmis deputats pīsadaleja bolsuošonā par Latvejis Republikys atjaunuošonu, juo dūmom, dorbim i uzskotim dažaidūs Latgolai svareigūs vaicuojumūs.

Latgolys kulturtelpys aktualitašu sadaļā raidejums turpynoj informēt par Saeimys Pylsūneibys, migracejis i sabīdreibys salīdieteibys komisejis i Ilgtspiejeigys atteisteibys komisejis kūpsēdis 3. oktobra sēdi, apkūpojūt Latgolys sabīdriskūs organizaceju, pošvaļdeibys puorstuovu, deputatu redzīni par latgalīšu volūdys īkļaušonu izgleiteibys sistemā i vuiceišonu Latgolys školuos.

Raidejums “Laika leigučuos” taps ar Vaļsts regionaluos atteisteibys agenturys mierkprogramys “Regionalūs i vītejūs medeju atbolsta programa” apakšprogramys “Atbolsts sabīdriski nūzeimeigys žurnalistikys radeišonai medejūs Latgolys planavuošonys regionā” atbolstu.

Nūtikšonu kalendars

Dec
13
Cat
19:00 Gruomotys “Latgales pēdējie mohi... @ Reigā, Veru īlā 6
Gruomotys “Latgales pēdējie mohi... @ Reigā, Veru īlā 6
Dec 13 @ 19:00
Gruomotys "Latgales pēdējie mohikāņi" attaiseišona @  Reigā, Veru īlā 6 | Rīga | Latvija
Gruomota topuse vairuoku ekspediceju rezultatā, kuruos folkloriste i Zīdūņamuzeja pietneica Rūta Šmite kūpā ar antropologi i fotografi Elīnu Kursīti vuokušys cylvāku stuostus i īmyužynuojušys Latgolys mozcīmu īdzeivuotuojus fotografejuos. Gruomotu veidoj 52 stuosti, kurus papyldynoj vizuali boguoteigys[...]