Puorbaudi pīraksteitū diktatu!

Puorbaudi pīraksteitū diktatu!
Publicitatis karteite.

Roksta autors: portals lakuga.lv

3. novembrī “Latgalīšu kulturys ziņu portals lakuga.lv” sadarbeibā ar Latvejis Radejis Latgolys studeju pīduovuoja uzraksteit Ūtrū pasauļa diktatu latgalīšu rokstu volūdā. Tys skanēja Latvejis Radejis raidejumā “Kolnasāta”. Zamuok var puorbaudeit pīraksteitū tekstu.

Diktata audio var nūsaklauseit raidejuma “Kolnasāta” profilā ite ci zamuok video. Tymā teik skaiteits fragments nu Kārļa Skalbis puosokys “Kačeiša patmalis”. Diktata teksts sastateits, īvārojūt Vaļsts volūdys centra 2007. godā apstyprynuotūs Latgalīšu raksteibys nūsacejumus, pīļaunama divskaņa “uo” apzeimuošona ari ar “ō”.


Fragments nu Kārļa Skalbis puorsokys “Kačeiša patmalis”

Kaidu reizi vacūs laikūs, kod tī lobī godi beja, vīnam kačeišam beja patmalis. Juos guoja dīnu i nakti: murra, murra, murr… Dziernovu akmini grīzēs. Tī beja rīkstu skrejis i mandeļu skrejis, tys beja vacūs lobūs laikūs, kod tī lobī godi beja. Apeineiši pi patmaļu sīnu beja vīgli apputiejuši ar myltu puteklim; jūs steigys myužeigi treisēja nu patmaļu ryukšonys. Pa lūdzeņu ar vacu, zaļu šybu vērēs ryuki, voi nabrauc malieji. Pats patmaļnīks boltā kažukā staiguoja i skaiteja maisus – rīkstu maisus i mandeļu maisus. Pa vokorim vysūs lūgūs speidēja zalta guņtenis. Patmalis zumēja, iudiņs stabulēja, i kačeiša meitenis doncuoja ar jaunajim sābrim. Jom beja garys zalta acs, i jūs nogi beja labi nūglobuoti ružovajūs piedeņūs.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.