Izsludynuots dzejnīkam Ontonam Slišānam veļteits rodūšūs dorbu konkurss

Izsludynuots dzejnīkam Ontonam Slišānam veļteits rodūšūs dorbu konkurss

Rokstu sagataveja: portals lakuga.lv

Namaterialuos kulturas montuojuma centru “Upīte” aicynoj Latgolys školu školānus i pīaugušūs pīsadaleit Latgolys patriotam i dzejnīkam Ontonam Slišānam veļteitajā rodūšūs dorbu konkursā. Itūgod O. Slišānam palyktu 70.

Dzejnīks, rakstnīks, folklorists, nūvodpietnīks i muokslinīks Ontons Slišāns ir Zīmys saulgrīžu bārns, dzims 1948. gods 28. decembrī, bet vuordadīnu svieteja 18. janvarī. Lelu daļu sova myuža O. Slišāns veļteja Zīmeļlatgolys izzynuošonai. Itūgod konkurss nūteik Ontona Slišāna 70 godu jubileja godā. Konkursa mierkis ir aplīcynuot pīdareibu i mīleisteibu sovam dzymtajam nūvodam i styprynuot latgaliskū kulturidentitati. Pīsadaleit konkursā aicynuoti Latgolys nūvoda školu školāni i pīaugušī. Konkursa nūslāguma pasuokums i uzvarātuoju apbolvuošona nūtiks 2019. gods 18. janvarī Upītē.

Konkursa aizdavumi daleibnīkim:

Rodūšais dorbs (eseja, miniatura i tt. dorbu var raksteit gon latvīšu literarajā, gon latgalīšu rokstu volūdā) “Vyss apleik maņ munā volūdā skaņ…” /O. Slišāns/.
Viertiešona byus pa vacuma grupom:

• 1.–4. klase dorbu var īsnēgt rūkrokstā, dorba lelums 1 A4 formata lopa
• 5.–7. klase dorbu īsnādz datorrokstā, dorba lelums 1 – 2 A4 formata lopys
• 8.–12. klase dorbu īsnādz datorrokstā, dorba lelums 2 – 3 A4 formata lopys
• Pīaugušī 20 godus vaci i vaira dorbu īsnādz datorrokstā, dorba lelums vaira par 3 A4 formata lopom.

Zeimiejumu konkurss “Vyss apleik maņ munā volūdā skaņ…” /O. Slišāns/ (Godalaiki).

Daleibnīki var izavēlēt sevkuru O. Slišāna dzejūli, kurā ir atainuots kaids nu godalaiku i tū ilustrēt. Ci sovā dorbā var atainuot poša meiluokū godalaiku

Dorbu formats: A3 lopa. Tehnika: gleznojums ci grafika (tiks viertāts atseviški).

Viertiešona byus pa vacuma grupom:
• pyrmsškola (4–6 godi)
• – 3. klase
• – 6. klase
• 7. – 9. klase
• 10. – 12.klase
• Pīaugušī 20+

Kotrys školāns var pīsadaleit obejūs konkursūs ci tikai rodūšūs dorbu, ci zeimiejumu konkursā. Kotrys daleibnīks var īsnēgt naīrūbežuotu skaitu sovu dorbu.

Dorbi juoīsnādz leidz 2019. gods 14. janvara vīnā nu sev ārtuokūs veidu:

  1. Syutūt pa postu: „Rodūšūs dorbu konkurss” Namaterialuos kulturas montuojuma centrs “Upīte”, Akas laukums 1, Upīte, Škilbanu pogosts, Vileks nūvods, LV-4587
  2. Rodūšū dorbu var īsnēgt ari syutūt iz e-postu: upites.muzejs@gmail.com
  3. Kluotīnē Upītes bibliotekā (Akas laukums 1, Upīte, Škilbanu pogosts, Vileks nūvods) nu ūtardīnis leidz pīktdīnei.

Dorbam juodalīk: školāna vuords i pavuorde, vacums, klase, vuiceibu īstuode, školuotuoja/konsultanta vuords i pavuorde, kontakttelepons, e-posts.

Naskaidreibu gadīnī var zvaneit Sandrai Bukšai 26307566 ci Ligitai Spridzānei 29868786 ci raksteit upites.muzejs@gmail.com.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]