Kinu “Latgalīši Pīterpilī” var nūsavērt škārsteiklā

Kinu “Latgalīši Pīterpilī” var nūsavērt škārsteiklā

Rokstu sagataveja: portals lakuga.lv

Škārsteikla vītnē Youtube.com nūpublicātys obejis dokumentaluos kinys “Latgalīši Pīterpilī” serejis.

Kina “Latgalīši Pīterpilī” stuosta par Latgolys nacionaluos atmūdys darbinīkim 20. godu symta suokuos Krīvejis imperejis golvyspiļsātā Sanktpīterburgā aba Pīterpilī. Dokumentalajā kinā atkluotys atmūdys kusteibys darbinīku gaitys i dorbi, stuosteits par latgalīšim, kuri beja nūzeimeigi vysys imperejis leiminī, par optiskuo telegrafa lineju, kas škārsuoja vysu Latgolys teritoreju, par pyrmajim viļcīnim, kas Latgolā ībrauca nu Pīterpiļs, kinā atsakluoj ari cyti iņteresanti fakti.

Vīns nu producentu, Arņs Slobožanins, par kinu soka: “Kina nav hrestomatiskys viesturis materiāls, bet te ir cīši ciļvieceiga.”

Fiļmiešonys laikā kinys veiduotuoji devēs ekspedicejā iz Sanktpīterburgu i kluotīnē pabeja vītuos, kyruos dzeivuoja i dorbuojās kinys personaži. Kinā izmontuoti ari Daugovpiļs Universitatis profesora, viesturnīka Henrika Soma savuoktī materiāli, kinā dzierdami ari juo komentari.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]