“Latgalīšu reps” jaunuokajā video atsaver iz vysspūžuokajom aktivitatem

“Latgalīšu reps” jaunuokajā video atsaver iz vysspūžuokajom aktivitatem

Rokstu sagataveja: portals lakuga.lv

Apvīneiba “Latgalīšu reps” radejuse jaunu skaņdorbu, klauseituoju viertiejumam nūdūdūt videoklipu “Atver durovys”.

“Itys video apvīneibai tyka izveiduots kai atskots ir pārnejuo gods vysspūžuokajom aktivitatem. Tyka savuokts vyss materials nu īprīkšejūs klipu fiļmiešonys, koncertim, tū aizkulusem, fanu i draugu Instagram “storejim” i nu privatim grupys dalinīku arhivim. Dzīsmis ritms īkustynuos sevkuru korstys balleitis apmaklātuoju,” par jaunū dzīsmi stuosta apvīneibys dalinīks Didzis Kozlovs.

Pi video montažys struoduojs Juoņs Jēkabsons i Toms Markovs. Nu 14. janvara dzīsme byus pīejama straumiešonys vītnē Spotify.

Apvīneibys “Latgalīšu reps” jaunumim var sekuot leidz Facebook i Instagram.

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.