Izdūta Ingridys Tāraudys dzejis gruomota “Pajautys”

Izdūta Ingridys Tāraudys dzejis gruomota “Pajautys”

Rokstu sagataveja: portals lakuga.lv

Izdūts latgalīšu dzejneicys i školuotuojis Ingridys Tāraudys dzejis kruojums “Pajautys”. Gruomota skaiteituojim teik pīduovuota latgalīšu volūtā, tū izdavuse bīdreiba “Atvērtās krātuves”.

Ingrida Tārauda ir spylgta sovys paaudzis literate, kura sevi puorlīcynūšai pīruodejuse latvīšu dzejā, jau nu deveņdesmytūs godu beigu publicejūtīs gon presē, gon dažaidūs dzejis almanahūs i kūpkruojumūs. I. Tāraudai izguojuši četri dzejis kruojumi – „Vīgla byušonys ironeja” (2000), „Izdadzynuota sirds” (2001), “Boltais šokolads” (2002) i “Bisers zam kuoju” (2017).

Atškireibā nu īprīkšejūs I. Tāraudys dzejis gruomotu, kurys topušys kai bilingvali kruojumi, “Pajautys” raksteita tikai latgaliski i ir autoris veļtejums dzymtajam nūvodam, tīcūtīs saglobuot i uzturēt dzeivu latgalīšu volūdys tradiceju kai vysai Latvejai nūzeimeigu i naatjamamu kulturys montuojuma daļu.

Komentari

Atbiļdēt

Lai komentātu īsalūgojīs