Reperei Ūgai pyrmais videoklips dzīsmei “Taisneiba”

Reperei Ūgai pyrmais videoklips dzīsmei “Taisneiba”

Rokstu sagataveja: portals lakuga.lv

Latgalīšu repere i hip-hopa apvīneibys “Ausmeņa Records” dalineica Ūga klauseituojim pīduovoj sovu pyrmū videoklipu. Muzike dzīsmē atkluoj taisneibu par cylvāka dobu i aicynoj sevkuru byut patīsam na tikai pret sevi, bet ari cytim.

“Myusu dobā ir izalikt par lobuoku ci švakuoku nikai asam, nu maņ tys ir apnics, partū aicynoju byut eistim. Varim turpynuot izalikt, nu beiguos taipoš sajimsim tū, kū kotrs byus pelnejs,” skorba sovuos puordūmuos ir Ūga.

Dzīsme “Taisneiba” radeita sasadorbojūt ar producentu Jezupu i bītmeikeri Mad Head (MHCbeats), kuri ir daļa nu Rēzeknis hip-hop apvīneibys „Ausmeņa Records”, sovukuort videoklipa autors ir ūgrienīts Toms Ezerietis (@the.audiovisualist).

Ūga ir vīneiguo latgaliski repojūšuo meitine pasaulē, kura puorstuov vacū hip-hopa školu.