“Bez PVN” lelkoncerts i vareiba dabuot beletus par veļti

“Bez PVN” lelkoncerts i vareiba dabuot beletus par veļti

Rokstu sagataveja: portals lakuga.lv

Ituo gods 26. oktobrī grupa “Bez PVN” Latgolys koncertzalā “GORS” aicynoj iz lelkoncertu “Rūbeži”. Koncertā varēs dzierdēt i pādejūs godu hitus, kai “Eņgeli sviļpoj”, “Golds iz ustobys”, “Besi”, “Nabyus baiss(t)”, i vacuokys dzīsmis naporostuokūs izpiļdejumūs, informej grupys puorstuovs Guntis Rasims.

Grupā muzyku i prīcu kūpā roda: Kristaps Rasims, Guntis Rasims, Valdis Vucāns, Juris Vucāns i Normans Bārbals. Taipat koncertā uzastuos i cyti pazeistami latgalīšu muokslinīki, kurūs grupa atkluos drupeit vāluok.

“Bez PVN” sajāmuši vairuokys latgalīšu kulturys goda bolvys “Boņuks”, tūs vydā ari itūgod “Boņuks 2018”. Ar obejim studejis albumim  “Pyrms Vuorda…” (2006) i “Reits” (2013) grupa sovulaik nomināta Latvejis muzykys goda bolvai “Zelta Mikrofons”.

Lelkoncerta beletus meklej ite – www.bilesuparadize.lv. Bet vari raudzeit tikt pi beletu par veļti, tod dori tai: mīdz “Patīk” itam īrokstam portala lakuga.lv Facebook profilā, ītagoj draugu, ar kurū gribi īt iz grupys “Bez PVN” koncertu 26. oktobrī, “nūšēroj” saiti, i daboj divejus īlyugumus! Piec div nedeļu, 13. majā, tiks izlūzāti pīci īlyugumu puori.