Santa Savicka-Drozdova jaunuokajā dzīsmē dzīd par ciļvieceibu

Santa Savicka-Drozdova jaunuokajā dzīsmē dzīd par ciļvieceibu

Rokstu sagataveja: portals lakuga.lv

Muzike Santa Savicka-Drozdova pīduovoj sovu jaunuokū dzīsmi “Cylvāks palīk cylvāks”. Latgaliskajā muzykā Santa debitēja paguojušuo gods nūgalē ar dzīsmi “Vysapkuort”.

Par sovu jaunuokū dzīsmi Santa soka: “Mes, cylvāki, vysi asam cylvāki, bet na jau zvāri. Es sevi navaru saleidzynuot ar kači, bet tūmār, voi ir svareigi, nu kurys pasauļa molys jis ir? Kačs beja, byus i paliks kačs. Jis ņaud, bet pat, ka es jū atvesšu nu cytys vaļsts, nivīns nasaceis, ka jam vajag ņaudēt tai, kai tū grib cyti. Cylvākā na volūda ir pats golvonais, bet gon juo īškejais pasauļs. I nav svareigi, kaidā volūdā runuot. Svareigi ir izaturēt ciļvieceigi, svareiga ir attīksme vīnam pret ūtru. Kotrys var runuot sovā volūdā, tys, kas gribēs, saprass. Mīrs vysā pasaulī ir svareiguoks par volūdu.”

Dzīsmis “Cylvāks palīk cylvāks” muzykys i teksta autore ir Santa Savicka-Drozdova. Aranžeju veiduojs Kaspars Maks, skanis īroksts izdareits “Tamara Music Studio”, bolsa apstruodi veikuse Tamara Caurkubule.