APSVEIKUMIM

Paleigs tim, kas apsveikumus gryb raksteit latgaliski!

Zīmyssvātki i Jaunais gods

Prīceigus Zīmyssvātkus i laimeigu Jaunū godu!

Lai Jaunā godā Tovā sātā mīrs i bagateiba i saimē prīca i saticeiba!

Vysa loba vieliejumi Tovai saimei!

Gaišus Svātkus!

Lai mīrs viers zemis i lobs pruots vysim cylvākim!

Dīva žielesteibom boguotu Jaunū godu!

Dīva mīrs lai ir ar Tevi! Dīva mīrs lai ir ar mums vysim!

Daudz gaišuma, syltuma i mīlesteibys vysa goda garumā!

Lai napagaist ticeiba, cereiba i mīlesteiba!

Lai jauns gods nas jaunu laimi i jaunu izadūšonu!

Svātku sveicīņs vysim sovejim, apleicejim!

.

Zīmyssvātku dzejūli Lakugā

Zīmyssvātku ailenis

Zīmyssvātku ailenis I

Snīga ailenis I

Zīmyssvātku ailenis II

Snīga ailenis II

Zīmyssvātku ailenis III

Snīga ailenis III

Zīmyssvātku ailenis IV

Zīmyssvātku ailenis V

Zīmyssvātku ailenis VI

.

Adventa svecis Lakugā

2012

Īdadzam pyrmū sveci Adventa vaiņukā

Rēzeknis Jezus Sirds katedralis draudzis vikārs, prīsters Ainārs Londe par Adventa laiku i tuo suokom. “Šudiņ īdadzam pyrmū sveci adventa vaiņukā. Kū tys nūzeimej? Tys nūzeimej otkon kaidu jaunu suokumu”.

2011

Adventa pyrmuo svātdīne

Pīneņu i Znūteņu draudžu prāvests Aigars Bernāns par Adventu i gaideišonu: „Advents ticeigajim nūzeimoj gaideišonys, gareiguos sasagataveišonys i atsagrīzšonys laiku, deļtuo pi myusu kotra gostūs īt Kristus – Dīva Dāls. Īt na jau 24. decembra vokorā ci 25. i 26. decembrī, kod prīcojamēs par Juo dzimšonys dīnu, a atīt vysod, kod Juo gaida. Deļtuo, kab Jū kai vajag pījimtu, nav gona tik ar ceistu sātu, boguotim goldim i īsaiņuotom duovonom. Koč i pateikami svieteit svātkus tai, kab nikuo natryuktu, Kristum tys nimoz nav tik svareigi. Golvonais – kas nūteik myusu pruotūs i sirdīs.”

Adventa ūtruo svātdīne

Aglyunys bazilikys, Bieržgaļa, Peipiņu i Rageļu draudžu vikārs Guntars Skutels stuosta par prīcys viesti, kas ir Evangelejs i ari pats Kristus. “Jezus ir kotra kristīša ticeiba, cereiba i tys, kū jis gaida nu sovys dzeivis. Jis ir tys, kas myusim atkluoj Tāva byudu, nas pīdūšonu, mīru, drūšeibu, patīseibu i prīcys viesti par jaunū myužeigū dzeivi.”

Trešuo Adventa svātdīne

Latgalīšu rakstineicys Naaizmierstulis breineiguo puosoka “Zīmyssvātku teika” par buorini puiseiti i juo liktini, kas taišni Zīmyssvātkūs pīdzeivoj gaišu pagrīzīni i ceļu pretim dzeivis aicynuojumam.

Catūrtuo Adventa svātdīne

Par Adventu i katuoļa pīnuokumim stuosta pr. Edgars Cakuls i vielej: “Nu sirds nūvieleju vysim LaKuGys skaiteituojim svieteigu Adventa nūslāgumu, prīceigus Kristus Dzimšonys svātkus, kai ari Dīva svieteibu Jaunajam godam!”

Ziemassvētku apsveikumi latgaliski Ziemassvētku novēlējumi latgaliski Ziemassvētku dzeja latgaliski dzejoļi latgaliski Ziemassvētku pantiņi latgaliski Zīmyssvātku apsveikumi latgaliski Zīmyssvātku nūvieliejumi latgaliski Zīmyssvātku dzeja latgaliski Zīmyssvātku dzejūli latgaliski Zīmyssvātku panteni latgaliski apsveikt latgaliski

Lai gaišs Svātku laiks i izadūd vyss Jaunā godā īcarātais!