Rudiņa sezonā LTV1 byus radzams raidejumu cyklys “Dzirdi Balsis”, kuruo filmiešonys laikā muzikis Kārlis Kazāks brauce iz vysaidom Latvejis vītom, kab radeitu dzīsmis vītejā izlūksnē, pošam pīdzeivojūt i cytim ruodūt latvīšu volūdys boguoteibu. Muzikis gasteja i dzīsmis roduos Zīmeļlatgolā (Baļtinovā), Sielejā, Lejiskūrzemē (Rucavā), Zīmeļvydzemē (Salacā), Dīnvydaustrumlatgolā (Ondrupinē), Austrumkūrzemē (Talsūs) i Malenejā.

Kab raidejuma laikā radeituos dzīsmis sasatyktu ar klauseituoju ari kluotīnē, Kārlis ar muziku grupu aicynoj iz koncertu Latgolys viestnīceibā GORS.