Rokfilmu Festivalu caurstruovoj roka ideologeja: dumpinīciskums, spāks i breiveiba i muzykā, i kinā.

Rokfilmu Festivals sajam alternativuoku skaniejumu. Itūgod apvīnuoti muzykys vierzīni, kas tradicionali skaiteiti par marginalim i eksperimentalim, nu veiduojušīs iz klasiskuo roka pamatu (punk, glam, psihodeliskais roks, smogais, folk metals i cyti).

Rokfilmu festivala mierkis ir, koncentrejūt iz sabīdreibā aktualu i pīzeitu vierteibu izceļšonu, pīduovuot skateituojim (i klauseituojim) alternativu izklaidis veidu kinu formatā uorpus vaļsts golvyspiļsātys Reigys – Cēsīs.

Festivala miseja – ar augstvierteigys kvalitatis rokkinu i rokkoncertu paleidzeibu veicynuot sabīdreibys cīšumu, kūpeigys identitatis, pošapzinis i vierteibu apsazynuošonu, kulturys i viesturis izgleiteibu, storpkulturu i storpnacionalu dialogu, kai ari rokmuzykys i rokkinys kvalitatis i nūzeimis saglobuošonu Latvejā i pasaulī.

Festivala apmaklātuoji byus vysys Latvejis i tyvuokūs sābru vaļstu dzeivuotuoji, ar mierki kotru godu gostu skaitu palelynuot, puļcejūt kinys i muzykys profesionaļus, žurnalistus i cytus medeju puorstuovus, ari nu uorvaļstu.