Grupa “Jumprava” puorstuov elektroniskuos muzykys, sintpop i popmuzykys žanrus. Popularitati i publikys mīlesteibu grupa īkaruoja 80. godu beiguos, kod tuos dzīduotuos dzīsmis “Ziemeļmeita” i “Tālu aizgāja” cylvākim ruodejuos eipaši tyvys i nūzeimeigys. Nu 1984. goda, kod dybynuota grupa “Jumprava”, tuos sastuovs ir mainejīs, tok oktobrī gaidomajā jubileja koncertturē “Jumprava 30” uzastuos nu 1987. goda namaineigais sastuovs – treis Aigari i Ainārs. Jubileja koncertu sesejis programa gaidoma ar retrospektivu īvierzi – skanēs dzīsmis nu vysa grupys darbeibys laika.