Jaunīšu kors “Balsis” i popularais dirigents Ints Teterovskis Leivuona nūvodā i cytvīt koncertēs koncertserejis “Daugavas balsis” ītvorūs. Četru dīnu laikā (21.08. – 24.08.), ar plūstu dūdūtīs pa Daugovu nu Jersikys solys da Jākubpiļs/Krystapiļs, kūpā kors dūs 10 koncertus (Gospori, Jersikys sola, Dygnuoja, Leivuons, Rudzāti, Jaunsylova, Trepe, Uobeli, Jākubpiļs, Krystapiļs). Muziki dzīduos luterāņu, katuoļu, pareizticeigūs dīvnomūs, pyrmū reizi iz solys Daugovys vydā, dzeļžaceļa stacejā, iz plūsta i školā. Bezmoksys koncertūs klauseituojim tiks pīduovuotys treis dažaidys programys, kotru pīlāgojūt konkretajai vītai i tuos atmosferai. “Dzīsmei ir spāks i vara, kas spiej uzrunuot tyukstūšys. Taipat kai dzīsmis navar izdzīduot, taipat nasabeidz plyudums Daugovai – Latvejis energejai i spākam. Kab dzīsme, kas izskaņ iz Daugovys, ir kai skaists atguodynuojums apziņai par tū, kur dzeivojam, kas mums pīdar i kai par tū varam ryupētīs,” soka kora “Balsis” muziki.