Kadriļu nakts

LaKuGa 24. Oktobris, 2017. gods 0
When:
24/11/2017 @ 19:00 – 23:00
2017-11-24T19:00:00+02:00
2017-11-24T23:00:00+02:00
Where:
Lūznovys muiža
Pils iela 8
Lūznava, Lūznavas pagasts, LV-4627
Latvia

24. novembrī 19.00 Lūznovys muižā nūtiks nu jau par tradiceju palykušuo Kadriļu nakts, kurā, turpynojūt aizrauteigai īsuoktū kadriļu doncuošonys populariziešonu Latgolā, ari itūreiz tiks doncuotys latvīšu i cytu tautu kadrilis, rodūt 20. godu symta suoku savīseigūs nūtikšonu sajiutys.

Div godu laikā kadriļu doncuošonys pasuokumi jau ir palykuši par Lūznovys muižys tradiceju. Kadriļu naktī pīsadaleis folklorys kūpu “Dandari” (Reiga), “Vīteri” (Rēzekne) i “Dziga” (Rēzekne) dalinīki. Popularizejūt Latvejis mozuokumtauteibu, itūreiz ebreju, namaterialū kulturys montuojumu, Kadriļu naktī varēs vuiceitīs div ebreju kadriļu nūrisis, kuruos muzykali izspielēs ari klezmermuzykys grupa “L’Chaim” (Rēzekne). Oktobrī Lūznovys muižā, eistynojūt ilgi lūluotu īceri, radīs ari kadriļu doncuotuoju klubeņš, kurim pīsadaleišona Kadriļu naktī byus pyrmuo leluo doncuošonys reize, raugūt cytim bala dalinīkim īvuiceit kaidu kadriļu.

Kadriļu balu atbylstūši pasuokuma stilistikai vadeis “bala maršals”, taipat nu 19.00 dorbuosīs ari rodūšuos darbneicys, kuruos taps 20. godu symta suoku stilistikā zeimieti portreti, kai ari damys, kuruos nabyus paspiejušys, varēs izveiduot tuo laika frizurys.

Doncuot kadriļys aicynuots sevkurs interesents. Bala dalinīki teik lyugti īvāruot 20. godu symta suoku apsaviļkšonys stilu. Īīšonys kartis nūpierkamys vysuos “Biļešu Paradīze” kasēs, īīšonys moksa 4 eiro, vītu skaits īrūbežuots.